Цахим хөгжил, инновац, харилцаа холбооны сайд Ч.Номин болон Төрийн цахим үйлчилгээний зохицуулалтын газрын дарга Б.Борхүү нар Дархан-Уул аймгийн Цахим шилжилт, үйлчилгээний хэлтсийн дэргэдэх “Хурдан” клубийн үйл ажиллагаатай танилцлаа.

Уулзалтын үеэр тус клубийн хэрэгжүүлж буй үйл ажиллагаа, иргэдийн цахим ур чадварыг дээшлүүлэх чиглэлээр зохион байгуулж буй сургалт, нөлөөллийн ажлууд болон төрийн үйлчилгээг иргэдэд түргэн шуурхай, хүртээмжтэй хүргэхэд оруулж буй хувь нэмрийг танилцуулсан юм. 🚀 “Хурдан” клуб нь орон нутгийн иргэдийн цахим хэрэглээний мэдлэгийг нэмэгдүүлэх, төрийн цахим үйлчилгээг ашиглах чадварыг сайжруулах, цахим шилжилтийн бодлогыг бодитоор хэрэгжүүлэхэд идэвхтэй оролцож буй сайн туршлагын нэг болж байна. 🤝 Төлөөлөгчид клубийн гишүүдтэй санал солилцож, цаашдын үйл ажиллагааг өргөжүүлэх, залуучуудын оролцоог нэмэгдүүлэх, орон нутаг дахь цахим шилжилтийн үр нөлөөг улам сайжруулах чиглэлээр үнэтэй зөвлөгөө, санал хүсэлтээ хуваалцлаа. 🌐 Энэхүү айлчлал нь төрөөс хэрэгжүүлж буй цахим шилжилтийн бодлого орон нутагт хэрхэн үр дүнтэй хэрэгжиж байгааг харуулсан төдийгүй иргэн төвтэй, хүртээмжтэй төрийн үйлчилгээг хөгжүүлэхэд чухал түлхэц болсон үйл явдал байлаа.